Өглөө.мн Шинэ өглөө, Шинэ мэдээлэл
УИХ-ын дэд дарга, Цагаатгах ажлыг удирдан зохион байгуулах Улсын комиссын дарга Логийн Цог Монгол Улсын Ерөнхийлөгчийн зарлигаар Монгол Улсын гавьяат эдийн засагч цол хүртсэн доктор Нямдолгорын Сампилноровыг өнөөдөр хүлээн авч хүндэтгэл үзүүллээ. Н.Сампилноров нь Цагаатгах ажлыг удирдан зохион байгуулах улсын комиссын нарийн бичгийн даргаар олон жил ажилласан бөгөөд Монгол Улсын байнгын ажиллагаатай анхны парламент- Улсын Бага Хурлын гишүүнээр сонгогдож байсан билээ.
Мөн өдөр УИХ-ын дэд дарга, Цагаатгах ажлыг удирдан зохион байгуулах улсын комиссын дарга Л.Цог Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонгоор шагнагдсан тус комиссын нарийн бичгийн дарга Д.Дамбасүрэн, “Алтан гадас” одонгоор шагнагдсан комиссын ажилтан Б.Долоонжин, Хөдөлмөрийн хүндэт медалиар шагнагдсан шинжээч Г.Улаанбаатар нарт тус тус шагналыг нь гардууллаа гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв
