Наадмын билет шаглагдаж эхэлжээ

 Уг нь энэ жил наадмын билетийг иргэдэд аль болох хүртээмжтэй байх, мөн шагчдын гарт олноор төвлөрүүлэхгүй байх үүднээс нэг хүнд дээд тал нь дөрвөн билет худалдах журам гарсан. Үүнийг ч холбогдох байгууллагынхан давхар хянаж билетийг борлуулж байгаа билээ.

Харамсалтай нь билет аль хэдий нь дамчдын гарт орчихсон жинхэнэ үнэнээсээ даруй 3 дахин өнөр үнээр СТӨ-ний гадаа борлуулагдаж байна. Бүр зарим газар 120 мянган төгрөгөөр ч зарна гэсэн зар явж байна гэнэ.

Хэдий наадмын билетийг СТӨ, Бөхийн өргөөний кассуудаар өдөрт 800 ширхэгийг 7,8,9-ний өдрүүдэд борлуулна гэж байгаа ч иргэд хонон өнжин очерлоод уг билетийг авч чадахгүй бухимдал ихтэй байгаа. Тодруулбал, иргэд үүрийн 04:00 цагт билетийн кассын гадаа ирэн, урт дараалал үүсгэн зогсоцгоож байгаа аж. Гэвч 10:00 цагаас касс онгойход 13:00 цаг гээд  л билет зарагдаж дууссан гээд хаалга барьчихаж байгаа гэнэ.

Л.Бадрах ugluu.mn