Ачааны автомашин онхолдож жолооч нь автомашины эд ангид хавчуулагджээ

Чингэлтэй дүүргийн 11 дүгээр хорооны Дэнжийн мянгын авто замын хажуу руу 76-21 УНР улсын дугаартай ачааны автомашин онхолдож жолооч нь автомашины эд ангид хавчуулагдсан байна гэсэн дуудлагыг 2015.07.28-ны өдрийн 17:54 цагт хүлээн авч Нийслэлийн Онцгой байдлын газрын 7 албан хаагч, 2 автомашинтай ажиллаж иргэн Э /27 настай, эрэгтэй/ автомашины эд ангид хавчуулагдан гэмтсэн байсныг гаргаж эмнэлгийн анхан шатны тусламж үзүүлэн ГССҮТ-д хүлээлгэн өгсөн.

Мөн Сүхбаатар дүүргийн 19 дүгээр хорооны Шарга морьтын  зуслангын автобусны эцсийн буудлаас баруун зүгт хуучнаар ЗХУ-ын иргэдийн хүүхдийн зуслангийн хойд ууланд хүн хаднаас унаж хөлөө гэмтээсэн байна гэсэн дуудлагыг 2015.07.28-ны өдрийн 18:56 цагт хүлээн авч Нийслэлийн Онцгой байдлын газрын 7 албан хаагч, 2 автомашинтай ажиллаж иргэн Б /28 настай, эрэгтэй/ хаднаас унаж хөлөө хугалсан байсныг эмнэлгийн анхан шатны тусламж үзүүлэн ГССҮТ-д хүргэж өгсөн.