Завь хөмөрч гурван хүн амиа алджээ

Архангай аймгийн Тариат сумын Хорго багийн “Сөрт” гэдэг газар “Тэрхийн цагаан” нууранд өчигдөр  гэр бүлээрээ завьтай зугаалж явсан долоон  хүний завь хөмөрчээ.

Улмаар аврах хантааз өмссөн дөрвөн иргэн эсэн мэнд гарч, аврах хантааз өмсөөгүй иргэн  21 настай эрэгтэй  Б, 43 настай эрэгтэй Д, 45 настай эрэгтэй М нар усанд живж осолдсон харамсалтай хэрэг гарчээ.

Дуудлагыг өчигдөр 19:47 цагт хүлээн авч тус аймгийн Онцгой байдлын газрын таван албан хаагч, нэг завь, нэг автомашинтай эрэн хайх ажиллагааг зохион байгуулж эхэлсэн байна.

Эх сурвалж: www.new.mn