Даншиг наадамд Х.Баярбатын хээр азарга түрүүллээ

“Даншиг наадам- Хүрээ цам 2015” наадам энэ амралтын өдрүүдээр болж байна. Даншиг наадам сүргийн манлай азарганы уралдаанаар эхэлсэн юм. Уралдаанд Төв аймгийн Баянцагаан сумын уяач Х.Баярбатын Хээр азарга түрүүллээ. Булган аймгийн Дашинчилэн сумын уяач Д.Зоригоогийн Бор азарга аман хүзүүдэж, Төв аймгийн Алтанбулаг сумын уяач Б.Шагдаржавын Хүрэн халзан азарга айргийн гуравт, Булган аймгийн Орхон сумын уяач Б.Батсайханы Сайхан саарал айргийн дөрөвт, Завхан аймгийн Идэр сумын уяач Ш.Үнэнбатын Дэлбэг хээр айргийн тавд хурдалсан юм.

Б.ГЭРЭЛ

Эх сурвалж: medee.mn