Өглөө.мн Шинэ өглөө, Шинэ мэдээлэл
Иргэд траншейны нүх рүү автомашиныхаа дугуйг оруулж доод хэсгийн эд анги болон явах ангиа эвдсэн тохиолдол их гардаг. Хуулинд нэрлэснээр үзлэгийн таг буюу траншейны нүх нь холбооны, бохир болон цэвэр, халуун усны гэх мэт тус тусдаа үүрэг зориулалт бөгөөд хариуцах эзэнтэй байдаг байна.
Тиймээс ирэх есдүгээр сарын нэгнээс мөрдөж эхлэх Замын хөдөлгөөний аюулгүй байдлын тухай хуулиар энэ асуудлыг шийдэж жолоочид учирсан хохирлыг тухайн нүхний тагийг хариуцсан байгууллага төлж, хариуцлага хүлээхээр болж байгаа юм.
Тодруулбал, хуулийн 54.18-д “Зам дээр хийгдсэн үзлэгийн болон шүүрт худгийн таг байхгүй, алга болсон, эвдэрсэн, замын зорчих хэсгийн түвшинтэй нэг түвшинд байрлуулагдаагүйгээс зам тээврийн осол, хэрэг гарах нөхцөлийг бүрдүүлсэн болон зам тээврийн осол, хэрэг гарсан бол хариуцдаг аж ахуйн нэгж, байгууллагаар учирсан хохирлыг нөхөн төлүүлж зөрчлийг арилгуулан, албан тушаалтныг нэг сарын хөдөлмөрийн хөлсний доод хэмжээтэй тэнцэх хэмжээний төгрөгөөр /192 мянга/, хуулийн этгээдийг нэг сарын хөдөлмөрийн хөлсний доод хэмжээг тав дахин нэмэгдүүлсэнтэй тэнцэх хэмжээний төгрөгөөр/960 мянга/ торгох шийтгэл оногдуулна” гэж заажээ.
эх сурвалж: mnb.mn
