Энэ сарын 25-наас 26-нд шилжих шөнө өвлийн цагийн хуваарьт шилжинэ

2015 оны 3 дугаар сарын 09-ний өдрийн Засгын газрын 14-р ээлжит хуралдаанаар Монгол улсад зуны цагийн хуваарьт шилжих тухай хэлэлцэж баталсан. Энэ тогтоолд жил бүрийн 3 дугаар сарын сүүлчийн долоо хоногийн Баасан гарагаас Бямба гарагт шилжих шөнийн 02 цагаас эхлэн 9 дүгээр сарын сүүлчийн долоо хоногийн Баасан гарагаас Бямба гарагт шилжих шөнийн 00 цаг хүртэлх хугацаанд Монгол Улсын нутаг дэвсгэрт цагийн тооллыг нэг цагаар урагшлуулан ажил, үйлчилгээ эхлэх цагийн хуваарийг хэвээр мөрдөж байхаар тогтоосон.

Тэгвэл зуны цагийн хуваарь есдүгээр сарын 25-наас 26-нд шилжих шөнийн 00.00 цаг хүртэл үргэлжилж, улмаар өвлийн цагийн хуваарьт шилжинэ.

Өөрөөр хэлбэл, 00.00 цаг болмогц та цагаа 23.00 болгон тааруулна юм байна.