Жастин Тимберлаке цахим хуудаснаа өөрийн хүүгийн зургыг оруулжээ

Жүжигчин Жессика Биелтэй гэр бүл болж аз жаргалтай амьдарч байгаа азтай залуу бол дуучин Жастин Тимберлаке. Өдгөө 34 настай дуучин Жастин Тимерлаке аав болоод даруй таван сар болжээ. Тэрээр аав болсондоо баяртай байгаа бөгөөд хүүгийнхээ зургаар өөрийн цахим хуудсыг чимсэн байна. Дуучин маань хүүгийнхээ зургыг бусдаас нуудаггүй нэгэн бөгөөд анхных нь гэрэл зургыг төрөөд хэдхэн хонож байхад нь цахим хуудаснаа тавьж байсан бол аавуудын баяраар хоёр дахь зургыг ” Аавдаа хайртай шүү” хэмээн бичиж нийтэлсэн юм. Харин энэ удаад тэд гэр бүлээрээ хэрхэн цагыг өнгөрөөж байгаа зургаа дэлгэжээ. Хөтлөгч Жимми нэвтрүүлгийнхээ үеэр Жастинаас “Аав болох хамгийн гайхалтай мөч. Тийм биз?” гэж асуухад Жастин ” Би одоо ч гэсэн маш их асуудалтай байгаа. Гэхдээ юу гээч энэ бол ухаан алдам, гайхалтай, үзэсгэлэнтэй хамгийн аз жаргалтай үе юм.” Миний хүүгийн хамгийн анхны хэлсэн үг нь “Дада” гэж хэлсэн”  хэмээн хариулсан байна.

Б.Нараа