Хууль бусаар их хэмжээний самар бэлтгэснийг илрүүлжээ

Нийслэлийн Мэргэжлийн хяналтын газрын даргын баталсан урьдчилан сэргийлэх удирдамжтай шалгалтаар Баянгол дүүргийн 20 дугаар хорооны нутаг дэвсгэрт байрлах “Ви Си” ХХК-ийн хашаанд “Тэнүүн зоргол” хоршоо “Ойн тухай” хууль зөрчин иргэдээс хууль бусаар бэлтгэсэн 50-60 орчим тонн хуш модны самар худалдан авч нөөцөлж байсныг шалгалтаар илрүүллээ.

Улсын мөрдөн байцаах газартай хамтарч үргэлжлүүлэн шалгалж байна

Хуш модны самрыг тухайн оны 10 дугаар сарын 15-наас дараа оны 03 дугаар сарын 10-ны өдрийн хооронд түүж бэлтгэх нь тохиромжтой байдаг.

СЭРЭМЖЛҮҮЛЭГ:

Болц гүйцээгүй түүхий хуш модны самрыг түүж хэрэглэх нь:

1. Бохир ариун цэврийн шаардлага хангаагүй, технологи зөрчиж түүхийгээр түүсэнээр хүнээс хүнд халдварлах гэдэсний болон шар өвчин гарах, тархах магадлалтай.

2. Намрын хуурайшилтай үед анхаарал болгоомжгүйгээс ой, хээрийн түймэр гаргах.

3. Зохих зөвшөөрөлгүйгээр, хүчээр модыг нь түнших буюу муна хэлбэртэй зүйлээр цохих нь модыг гэмтээх сэргэн ургах чадварыг муудахад хүргэнэ.

Байгаль орчин, геологи, уул уурхайн хяналтын хэлтэс