Кардашиан надад атаархдаг

Дуучин Тэйлор Свифт Австралийн “Vogue” сэтгүүлийг чимж, ярилцлага өгсөн тухай “www.dailymail.co.uk” мэдээллээ. Тэрбээр 50 сая дагагчтай болж инстаграмын хамгийн их дагагчтай олны танил эрхмээр сонгогдож, интернэтийн од гэгддэг Ким Кардашианыг ардаа орхисон юм.

Тэйлор тус сэтгүүлд өгсөн ярилцлагадаа “Би муур эсвэл найз нөхдийнхөө буянаар их дагагчтай болсон. Учир нь би Кардашиан шиг хөх эсвэл өгзөгнийхөө зургийг хэзээ ч олон нийтийн сүлжээнд байршуулж байгаагүй. Үнэнийг хэлэхэд, тэр бүсгүй надад атаархаж байгаа байх. Яагаад гэвэл нүцгэн зураг бус хөгжилтэй зураг нийтэлж би 50 сая дагагчтай боллоо. Гэхдээ надад дагагчийн тоо бус чанартай уран бүтээл миний сэтгэлийг минь хөглөдөг. Би дэлхийтэй хөл нийлүүлэн алхахыг хүссэн учир инстаграм, твиттертэй болсон” гэж ярьжээ.

Кардашиан 2013 оноос инстаграмын хатан хаан хэмээгдэж байсан юм. Мөн тэрбээр твиттерт дагагчийнхаа тоогоор Америкт тэргүүлдэг байсан бол өнгөрсөн долоодугаар сард дуучин Бейонси, Жастин Бибер, Селена Гомез нарт тэргүүн байраа булаалгасан билээ. Кардашиан твиттерт 42 сая дагагчтай бол Бейонси 51 сая дагагчтай.

Эх сурвалж: www.shuud.mn