Өглөө.мн Шинэ өглөө, Шинэ мэдээлэл
Энэ сарын 8-нд буюу өнгөрөгч ням гарагийн 11.00 цагийн үед Сэлэнгэ аймагт цагдаа, прокурорын сууж явсан автомашин осолдсон хэрэг гарчээ. Сэлэнгэ аймгийн Ерөө суманд хэргийн газарт үзлэг хийгээд буцаж байсан Сэлэнгэ аймгийн цагдаагийн газрын цагдаагийн долоон албан хаагч, нэг прокурорын сууж явсан фургон автомашин осолдож, ослын улмаас Сэлэнгэ аймгийн прокурорын газрын хяналтын прокурор эмэгтэй Г хүнд бэртсэн байна.
Харин цагдаагийн долоон албан хаагч ямар нэгэн гэмтэл аваагүй байна. Хяналтын рокурор Г-ийн хувьд хамарны яс, нүдний ухархайн яс хугарч хүнд гэмтсэн аж. Тиймээс прокурор Г-г өчигдөр яаралтай түргэн тусламжийн машинаар Улаанбаатар хотод авчран ГССҮТ-д хэвтүүлжээ. Түүнчлэн осол юунаас болж гарсан нь тодорхойгүйбайгаа бөгөөд ослын шалтгааныг тодруулахаар ажиллаж байгаа аж.
