Ноцтой ослууд гарч 10 хүн амиа алдлаа

Хөдөө, орон нутгийн замд осолдож амиа алдах тохиолдол цөөнгүй гарч байна. Тухайлбал, өчигдөр Хэнтий аймгийн “Цэнхэрмандал сумын “Замчдын овоо” гэх газар Дорнод аймгаас Улаанбаатар чиглэлд явж байсан “Nissan” автомашин онхолджээ. Ослын улмаас жолооч Э /эр.23н/, Өлзийт тосгоны харъяат Ж /эр.54н/, М /эр.40н/, О /эр.4н/ нарын дөрвөн хүн нас барсан хэргийг шалгаж байна.

Мөн Өмнөговь аймгийн “Баяндалай сумын “Охин хөтөл” гэх газар “Land cruiser-100” автомашин онхолдож, жолооч  тус аймгийн нэгдүгээр баг Баруун сайханы …. тоотод суух Е /эр.25н/ эмнэлэгт хүргэгдэж ирээд нас баржээ.

Түүнчлэн Өвөрхангай аймгийн “Бат-Өлзий сумын хоёрдугаар баг Дунд халзан гэх газар “Маяти” автомашин уулын уруу онхолдож Г, Ц, О, Б, Б нарын таван хүн газар дээрээ нас барсан ноцтой осол гарчээ.

Эдгээр хэргийг аймгийн цагдаагийн газарт шалгаж байна. Тиймээс нийт жолооч нарыг холын замд гарахдаа техникийн бүрэн бүтэн байдлыг хангаж, анхаарал болгоомжтой замын хөдөлгөөнд оролцохыг анхааруулж байна.