Хүний амь хөнөөсөн хос хоёрыг өнөөдөр шүүнэ

Өнгөрөгч хоёрдугаар сард Нийслэл хотын баруун зах буюу Сонгинохайрхан дүүрэг, Улаанчулуутын хогийн цэгийн орчимд нэгэн таксины жолоочийг олон удаа хутгалж, амийг нь хороосон хэрэг гарсан. Цагдаа наруг хэргийг 1990 болон 1991 онд төрсөн Э, А гэх хос залуус үйлдсэн болохыг тогтоосон бөгөөд тэднийг жолоочийн амийг хороогоод машиныг нь Төв аймгийн нутагт аваачиж хаяад тэндээ орогнож байсныг иргэдийн мэдээллийн дагуу очиж баривчилсан байна.
Өнөөдөр Дүүргийн анхан шатны 1 дүгээр шүүхэд Э, А нарыг шүүх хурал болох ба тэднийг таксины жолоочтой маргалдсаны эцэст хоолойг нь боож, олон удаа хутгалж хороохын сацуу хэргийн газраас зугтаж явахдаа дээрэм, хулгайн хэрэг үйлдсэнийг тогтоосон юм.