МАН-ын гишүүд Хойд Солонгосыг зорьжээ

БНАСАУ-ын Хөдөлмөрийн намын урилгаар УИХ-дахь МАН-ын бүлгийн дарга, МАН-ын Удирдах зөвлөлийн гишүүн Н.Энхболд ахалж, УИХ-ын гишүүн Ж.Энхбаяр, УИХ-ын гишүүн Н.Номтойбаяр, МАН-ын Гадаад харилцаа хариуцсан нарийн бичгийн дарга Д.Цогтбаатар нар албан ёсны айлчлал хийхээр өнөөдөр Хойд Солонгосыг зорьжээ.

Тэд тус айлчлалын хүрээнд БНАСАУ-ын Хөдөлмөрийн намын удирдлагатай уулзаж, хоёр намын хамтын ажиллагааны асуудлыг ярилцах аж. Мөн ирэх бямба гаригт буюу 27-нд БНАСАУ-ын нам, төрөөс зохион байгуулж буй түүхэн үйл явдлын 60 жилийн ойн баярын арга хэмжээнд оролцох юм байна.

Л.Бадрах