Сурагчдын дотуур байр шатжээ

Баян-Өлгий аймгийн Алтай сумын Чихэртэй багийн дунд сургуулийн дотуур байранд энэ сарын 17-ны өглөө гал гарч сумын хүүхдүүд амьдрах байргүй болоод байна.

“Сургуулийн дотуур байранд гал гарлаа” гэсэн дуудлага өнгөрөгч ням гаригийн өглөө 08:40 цагт аймгийн онцгой байдлын хэлтэст ирсэн байна. Хоёр давхар модон барилга хормын төдийд галд өртөж галыг унтраахаар 250 хүний бүрэлдэхүүнтэй баг ажилласан гэдгийг ОБЕГ-аас мэдээлэв. Хэдийгээр дотуур байр олон жил ашиглагдсан хуучин барилга байсан ч галын шалтгаан одоогоор тодорхойгүй байна. Орон нутгийн сургуулиудын амралт эхэлж байгаа үетэй таарсан нь зол болж байгаа ч хөдөөгийн багачууд амарч ирээд хаана амьдарч хичээл сургуулиа үргэлжлүүлэх вэ гэдэг хүндхэн асуудалтай тулгараад байна.

Б.Саран