Шатахууны үнэ 100 төгрөгөөр хямдарлаа

af71787627be241original

Дэлхийн зах зээлд баррель нефтийн үнэ 3-4 дахин унаад байгаа ч шатахууны жижиглэнгийн үнэ буурахгүй байгаад иргэд бухимдалтай байсан. Тэгвэл өнөөдрөөс зарим ШТС-д АИ 92 шатахууны үнэ 100 төгрөгөөр хямдарчээ.

Баррель нефтийн ханш нэгдүгээр сарын 20-ны өдрийн байдлаар 26.76 ам доллар байлаа. Дэлхийн зах зээл дээрх үнээс үл хамаарч Монголд бензин шатахууны тал дээр үнэ тогтворжуулах бодлого барьж ирсэн нь иргэдэд таатай бус байсан. Харин өнөөдрөөс АИ-92 бензины үнэ 100 төгрөгөөр буурч 1560 төгрөг болжээ.

Зарим жолоочийн хувьд шатахууны үнэ энэ ханшаас илүү хэмжээнд ч буух боломжтой гэсэн бодолтой байна. Ямар ч байсан 92 бензины үнэ буусан нь цаашид  ханш дахин буух итгэлийг төрүүлжээ. Хэрэв бүх бараа бүтээгдэхүүний ханшид шууд нөлөөлдөг шатахууны үнэ энэ хэвээрээ бууж чадвал албаны хүний хэлснээр онгоцны тийзийн үнэ, тээврийн үйлчилгээний тасалбарын үнэд өөрчлөлт орохыг ч үгүйсгэсэнгүй.

Өнөө өглөөний байдлаар бүх ШТС-ууд үнээ буулгаагүй байлаа. Тоотой хэдэн шатахуун импортлогч компаниуд л үнээ буулгасан. Тиймээс энэ удаагийн үнийн өөрчлөлтийг Уул уурхайн яамнаас бодлогоор буулгасан уу, эсвэл компаниуд удирдлагынхаа  шийдвэрээр буулгасан уу, цаашид дахин буулгах эсэх тал ирэх 7 хоногт тайлбар хийнэ гэсэн чиглэлтэй байна.

Санал болгох мэдээ

Малчдад туслах “Халуун сэтгэл” аяныг МҮОНРТ-ээр шууд дамжуулна

Малчдадаа туслах аяныг Монгол Улсын урлагийн гавьяат зүтгэлтэн Ц.Чулуунбат /Харанга/ санаачлан урлаг соёлын нийт уран …