Энэтхэгийн ерөнхий сайд сар шинийн мэндчилгээ хүргэлээ

Энэтхэгийн Ерөнхий сайд Нарендра Моди өөрийн Твиттер хаягаараа дамжуулан монголчуудад сар шинийн мэндчилгээ дэвшүүлжээ.

Тэрбээр “Монгол Улсын хүндэт иргэд ээ, Цагаан сарын мэндийг хүргэж, аз жаргал, эрүүл энх, хөгжил дэвшлийг та нартаа хүсэн ерөөе” хэмээсэн байна.

Өнгөрсөн оны хавар Ерөнхий сайд Ч.Сайханбилэгийн урилгаар манай улсад айлчлал хийж байсан тэрбээр сошиал сувгийг идэвхтэй ашиглан өөрийн твиттер хаягаараа дамжуулан тухай улсынх нь хэлээр жиргээ бичдэг юм.