Хүүхдийн шүдийг хэрхэн арчлах вэ?

1. Хүүхдэд аль болох хөхөлт хэрэглэхгүй байх, хэрэглэдэг бол 1 наснаас дээш хэрэглэхгүй байх

2. Сүүн шүд ургаж эхэлмэгц амны хөндийн ариун цэврийг сайн сахиж, хүүхдийнхээ шүдийг эцэг, эхчүүд зөв угааж өгч байх

3. Сүүн шүд оройтож цухуйвал айх хэрэггүй, мэргэжлийн эмчид хандан зөвлөгөө авч, хангалттай амин дэм, эрдэс бодис агуулсан хоол тэжээл өгч байх

4. Цоорлоос урьдчилан сэргийлэх эм бэлдмэлийг эмчийн хяналтан доор хэрэглэх

5. Хүүхдийн хуруугаа хөхөх, уруулаа хазах, хумсаа хэмлэх, хэлээ гаргах, буруу залгих, шүдээ хавирах, амаараа амьсгалах гэх мэт буруу зуршлыг арилгах

6. Хүүхдэд зориулсан оо, сойз хэрэглэж хэвших

7. Сүүн шүдийг эрт авахуулснаас болж шүд эрүүний гажиг үүсэхээс сэргийлэх

8. Эх жирэмсэн үеэсээ л шүдний эмчийн хяналтанд орж, амны хөндийгөө эрүүлжүүлэх хэрэгтэй

“ЭМЖЖ” эмнэлгийн сувилагч Л.Сугаррагчаа