Өглөө.мн Шинэ өглөө, Шинэ мэдээлэл
Чингэлтэй дүүргийн Иргэдийн Төлөөлөгчдийн Хурлын 2012 оны 12 дугаар сарын 10-ны өдрийн Анхдугаар хуралдааны 07 дугаар тогтоолоор дүүргийн Засаг даргад нэр дэвшиж, олонхийн санал авч дахин Чингэлтэй дүүргийн Засаг даргаар сонгогдсон Д.Ганболд улс, нийслэл, дүүргийн хөрөнгө оруулалтаар хийсэн барилга байгууламж, бүтээн байгуулалтын олон ажлыг цалгардуулж, тендер шалгаруулалтыг холбогдох хууль, журамд нийцүүлэн шударга явуулах тал дээр маруухан ажилладаг гэдгийг хэн хүнгүй мэднэ. Ямар сайндаа л дүүргийнхээ ИТХ-ын дарга Д.Бат-Эрдэнийн хууль зөрчиж, будлиантай тендер явуулсан асуудлыг таслан зогсоож, хариуцлага тооцох ёстой байтал “одоо энэ асуудлыг ингээд орхи, нам дар” гэх утгатай зүйлийг ИТХ-ын тэргүүлэгч, төлөөлөгч нартаа хэлээд сууж байхав.
Чингэлтэй дүүргийн Засаг дарга Д.Ганболд 2011 онд Нийслэлийн 23 дугаар дунд сургуулийн хажууд 900 сая төгрөгөөр “Агаарын тулгуур баганат технологиор Мөсөн гулгуурын талбай бүхий спорт цогцолбор байгуулах”-аар болж, тендерээр “Асати Монгол” компанийг шалгаруулан гэрээ байгуулж байсан. Гэтэл өнөөдөр нийт хөрөнгийн 30 орчим хувь нь шилжсэн, тус барилгын ажил гүйцэтгэл иймэрхүү байдалтай зогсжээ. Д.Ганболд даргаа эзнээ хүлээсэн барилгаа цэгцэлж, эхлүүлсэн ажлаа дуусгаач ээ.
Эх сурвалж: www.aravt.mn
