Арслан зааны үлдэгдлээс “нэн эртний виагра” олджээ

Владимир Лаговскийн “Тайны мир Анубиса” сэт­гүүлд гарсан нийтлэлийг хүргэж байна.

Британийн “The Daily Mail” сонин нэгэн хачир­хал­тай туршилтын та­лаар мэдээлжээ.  Уг  тур­шилтын үр дүнг сонины зүгээс жинхэнэ сенсааци хэмээн зарласан байна. Гэхдээ анх сонсоход хэн ч үүнд үнэмш­мээргүй мэт.

АНУ, Япон, Оросын эрдэмт­дийн баг Якутад арс­лан зааныг хувилах зорил­гоор малтлага хийжээ. Энэ үеэрээ тэд шинжлэх ухаанд тайлагдаагүй, мөнхийн цэв­­дэгт хөлдсөн бак­­­тери ил­рүүлсэн байна. Уг бак­териа халааж, үржүүлэн, лабо­раторийн  оготнод тарь­тал өнөөх оготно залуужаад зогсохгүй бэлгийн чадвар нь эрс сайжирсан гэнэ.

Энэ талаар туршилт явуулсан Тюмений шинж­лэх ухааны төвийн мэргэ­жилт­нүүд “Зарим хөгшин оготнуудын биеийн чалх сайжирсан. Харин хүнээр яривал 70 хүрч байгаа эмэг­чин амьтад үр төлөө  гаргаж эхэлсэн” гэжээ. Тэгэхээр энэхүү гайхалтай бак­терийг “нэн эртний виагра” гэж нэрлэж болох бус уу.

ОХУ-ын Геологи, эрдэс баялгийн шинжлэх ухааны доктор Анатолий Брушков “Энэхүү бактери хүнийг за­луужуулж, сексийн идэвх­тэй үеийг нь уртасгаж чадна гэж бид найдаж байна. Оготно, шавжинд хийсэн тур­шилтууд ийм найдвар тө­рүүлж буй юм” гэжээ.

 100 хүртлээ чалхтай байх боломжтой

Түүнчлэн Брушковын мэ­дэгдсэнээр дээрх малтлагыг Якутын Алдан голын сав газраар хийсэн гэнэ. Харин шинэ төрлийн бактери зөв­хөн арслан заанд төдийгүй үсэрхэг хирс, сэлмэн шүдэт бар,  агуйн арслангийн үл­дэгд­­лээс ч олдсон байна.

Биологийн шинжлэх ухаа­ны дэд эрдэмтэн Андрей Субботин “Ойролцоогоор 20 мянган жилийн өмнө эрс хүйтэрсний улмаас энэ бак­тери тэр чигтээ царцжээ. Хариуд нь бактери бие ор­га­­низмаа хөлдөж үхэхээс сэр­гийлж, криопротектор хэ­мээх бодис ялгаруулж байсан” гэв.

Энэ бактерийг 3-5 сая жилийн өмнө бий болсон гэж эрдэмтэд таамаглаж бай­на. Гэсэн хэдий ч уг би­чил биет дулаанд эрс хур­дан өсч, үрждэг аж. Тий­мээс туршилтын оготнод бак­терийг тарьж үзвэл яасан юм бэ гэсэн санаа төрсөн гэнэ. Эндээс л жинхэнэ сенсаци үүсчээ.

Ялангуяа хөгшин, сул дорой амьтдыг амархан сэр­гээж байсан талаар ОХУ-ын биологийн шинжлэх ухааны доктор Людмила Каленова мэдээлсэн байна.

Лабораторийн оготны дундаж насыг 20 хувиар нэ­мэгдүүлж, үхэн үхтэл нь бэлгийн идэвхтэй амьдралд оруулсан  арслан зааны  үеийн  энэхүү  бактерийг хүнд хийвэл яах бол. Эрдэмт­дийн    тооцоолс­ноор хүний бэл­гийн амьд­ралыг 100 нас хүртэл нь идэвхтэй байлгах боломжтой гэнэ.

Энэ талаар Оросын шинж­лэх ухааны академи су­далж байгаа аж.

 Э.Мөнхзаяа