Шатахууны үнийг 100 төгрөгөөр буурууллаа

Монгол улс шатахуунаа 100 хувь импортоор авдаг. Өнгөрөгч 2013 оны 5-р сараас эхлэн түүхий газрын тосны дэлхийн зах зээлийн үнэтэй уялдуулсан аргачлалаар тооцсон үнээр шатахуун импортлож байгаа. Тиймээс газрын тосны үнийн бууралттай уялдан импортлогдсон шатахууны үнэ буурах ёстой гэсэн хүлээлт иргэдийн дунд байсан. Тэгвэл иргэдийн хүлээлт биелэлээ олж, “Мон Суль”, “Петрожамп”, “ТЭс петролиум” компаниуд нефть бүтээгдэхүүний үнээ 100 төгрөгөөр бууруулжээ.