Өглөө.мн Шинэ өглөө, Шинэ мэдээлэл
Монгол, АНУ-ын Батлан хамгаалах яам хоорондын хамтын ажиллагаа өргөжин бэхжсээр байгаагийн нэгэн жишээ нь байлдааны машин бэлэглэсэн явдал юм.
АНУ-ын Засгийн газраас буцалтгүй тусламжаар энхийг дэмжих ажиллагааны зориулалттай буюу байлдааны 30 жийп машин гардуулах ёслол өчигдөр болсон юм. Монгол Улсын Зэвсэгт хүчний талыг төлөөлж БХЯ-ны төрийн нарийн бичгийн дарга Б.Батсайхан, АНУ-аас Монгол Улсад суух Онц бөгөөд Бүрэн эрхт Элчин сайд Женифер Зимдал Галт, ЗХЖШ-ын Ажиллагааны удирдлагын газрын дарга, бригадын генерал Д.Ганзориг, манай улсад суугаа Элчин сайдын яамны дэргэдэх Батлан хамгаалахын атташе дэд хурандаа Матью Кент болон БХЯ, ЗХЖШ-ын газар, хэлтсийн дарга нар, Зэвсэгт хүчний ангийн удирдлага, Батлан хамгаалах яамны бие бүрэлдэхүүн энэхүү ёслолд оролцлоо. Мөн машины түлхүүрийг цэргийн жолооч нарт гардуулж, энхийн сахиулах ажиллагааны сургалтын төвд шилжүүлэн өгөв.
