“Оюутан цагдаа”-гийн бүртгэл өнөөдөр эхэлнэ

Монголын Оюутны Холбоо, Нийслэлийн иргэдийн төлөөлөгчдийн хурал, Улаанбаатар хотын Цагдаагийн Газар, Нийслэлийн аялал жуулчлалын газар хамтран Гадаадын жуулчдыг гэмт хэрэг, зөрчлөөс урьдчилан сэргийлэх зорилгоор жил бүр уламжлал болгон хэрэгжүүлдэг “Оюутан цагдаа” хөтөлбөрийн бүртгэл өнөөдөр эхэлнэ.

Тодруулбал, Өнөөдөр Монголын залуучуудын холбооны үзэсгэлэнгийн танхимд болох “Аялал жуулчлал ба Хөдөлмөр эрхлэлт” яармагийн үеэр 10.00-17.00 цагийн хооронд бүртгэх юм байна. Харин энэ сарын 25-30-ны өдрүүдэд МОХ-ын байранд бүртгэх юм байна. “Оюутан цагдаа” хөтөлбөрт хамрагдахаар бүртгүүлж буй оюутанд тавигдах шаардлага: – Англи, Герман, Хятад, Солонгос, Япон, Орос гэх мэт гадаад хэлний ярианы мэдлэгийн түвшин дундаас дээгүүр байх Бүрдүүлэх материал: 1. Иргэний үнэмлэхний хуулбар 2. Сургуулийн суралцдаг нь үнэн гэсэн тодорхойлолт /Хугацаа нь дуусаагүй, сунгалт хийлгэсэн хүчинтэй оюутны үнэмлэхний хуулбар байж болно. Оюутны үнэмлэхийг эх хувиар авчрах шаардлагатай/ 3. 2 хувь цээж зураг 4. Анкет /Бүртгэлийн ажилтнаас авах/ Шалгаруулалт: Бүртгүүлсэн оюутнуудаас ярианы хэлний мэдлэгээс хамааран шалгаруулалт явуулж 150 оюутныг сонгон, Улаанбаатар хотын цагдаагийн газар, Нийслэлийн аялал жуулчлалын газрын хамтарсан сургалтанд хамруулж амжилттай төгссөн оюутнуудын тушаал гарч, гэрээ байгуулсны үндсэн дээр ажлын үнэмлэх, дүрэмт хувцсыг олгох юм байна.

Эх сурвалж: zaluu.com