13 сая төл хүлээн аваад байна

Өнөөдрийн байдлаар оны эхний нийт эх малын 59.2 хувь буюу 14.1 сая эх мал төллөж 13.9 сая төл хүлээн аваад байгаа нь өмнөх долоо хоногоос 2.0 саяар нэмэгдлээ. Үүнээс 40.3 мянган ботго, 165.6 мянган унага, 432.0 мянган тугал, 7.3 сая хурга, 6.1 сая ишиг бойжиж, төл бойжилт 98.2 хувьтай байна. Нийт малын хорогдол 984.0 мянга болж өмнөх долоо хоногоос 53.0 мянгаар нэмэгдлээ. Үүнээс: тэмээ 362, адуу 38.0 мянга, үхэр 95.9 мянга, хонь 358.4 мянга, ямаа 491.3 мянга буюу оны эхний нийт малын 1.8 хувийг эзлээд байна. Хамгийн их хорогдолтой нь Увс (157164), Сүхбаатар (156504), Завхан (110221), Архангай (107809), Баянхонгор (87100) аймгууд байгаа бөгөөд оны эхний нийт малын 2.3-5.8 хувийг алдаад байгаа юм.