Өглөө.мн Шинэ өглөө, Шинэ мэдээлэл
Залуу Захирлуудын Холбооноос зохион байгуулдаг цуврал лекц энэ сарын 28-нд Ramada UB City Center Hotel -ийн #Crystal -танхимд боллоо. Энэ удаагийн уулзалтын зочин илтгэгчээр “Хера Холдинг” Группын Ерөнхий захирал Хассуурийн Ганхуяг оролцож “Миний Бизнес Кейс” сэдвээр сонирхолтой илтгэл тавьсан юм. Тус арга хэмжээний үеэр 70 гаруй бизнес эрхлэгч залуу захирлууд оролцож Х.Ганхуягаас асуулт асууж харилцан санал солилцсон юм. Залуу захирлуудын холбооноос зохион байгуулсан энэхүү арга хэмжээнд оролцсон залуус “Залуу Манлайлагч Эмэгтэйчүүдийн Клуб” ТББ-аас санаачилсан “Бяцхан зүрхнүүдээ аврая” Улаанбурхантай тэмцэх аянд нэгдэж хандив өргөсөн юм. Хассурийн Ганхуяг залуу бизнес эрхлэгчидэд 3 стартап компаний танилцуулгаа илтгэсний дараа хийж бүтээхийг зориж яваа залуу захирлууд өөрсдийн үйл ажиллагааныхаа талаар танилцуулж санал солилцсон юм.
