Өглөө.мн Шинэ өглөө, Шинэ мэдээлэл
Засгийн газрын ээлжит хуралдаан өнөөдөр 16:00 цагт болно. Энэ удаагийн хуралдаанаар 17 асуудал хэлэлцэж, гурван асуудлаар мэдээлэл сонсохоор болжээ. Өөрөөр хэлбэл, хуралдаанаар хэлэлцэх асуудалд УИХ-ын нэр бүхий гишүүдийн өргөн мэдүүлсэн хуулийн төслүүд багтаж байгаа аж. Тухайлбал, УИХ-ын гишүүн Л.Болдын санаачилсан Сонгуулийн тухай хуулийн төсөлд нэмэлт оруулах тухай төсөл багтсан байна. Ингэснээр энэхүү хуулийн төслийг Засгийн газрын хуралдаанаар гурав дахь удаагаа хэлэлцэхээр болж байгаа юм. Энэхүү төсөлд залуучуудын квотыг тогтоох тухай заалт туссан билээ. Учир нь, тэрбээр залуучуудын квотыг хуульд тусгаж өгөхгүйгээр Монголын хүн амын 60 хувийг эзэлдэг залуусын төлөөлөл УИХ-д орж ирэхгүй байна гэж үзэж буй. Гэвч Засгийн газар өмнө нь энэхүү хуулийн төслийг хоёр удаа хэлэлцэхээр дараалалдаа багтаасан байсан ч хойшлуулсан юм.
Түүнчлэн Ц.Оюунбаатар гишүүний өргөн мэдүүлсэн Төлөвлөгөө батлах тухай болон С.Баярцогт гишүүний Хөрөнгө гаргах тухай, С.Одонтуяагийн санаачлан боловсруулсан Хурдан морины бооцоот уралдааны тухай хуулийн төсөлд Засгийн газраас өгөх санал, дүгнэлтийн тухай асуудлыг хэлэлцэхээр болжээ. Харин С.Ламбаа сайдын улаанбурханы эсрэг вакцинжуулалтын үр дүн, явцын талаар мэдээлэл сонсохоор болсон байна.
Zaluu.com
