Нийслэлийн төвийн 3400 м2 авто замд нөхөөсний ажил хийлээ

Улаанбаатар хотод 2016 онд хэрэгжүүлэх авто зам, тохижилт, ногоон байгууламж, инженерийн шугам сүлжээний засвар арчлалтын ажлууд, Ази, Европын орнуудын дээд хэмжээний арван нэгдүгээр уулзалтын бэлтгэл ажлын хүрээнд нийслэлийн төвийн авто замуудад нөхөөсний ажил хийгдлээ. Энэ ажлын хүрээнд “Нийтийн үйлчилгээний Улаанбаатар нэгтгэл” Энхтайваны өргөн чөлөө, Их тойруу, Бага тойруу, Намъянжу, Их сургууль, Зайсан,Сүхбаатар, Олимп, Чингисийн өргөн чөлөөний Нарны замаас Цэцэрлэгт хүрээлэнгийн ар, Төв шуудангийн уулзвараас Яармагийн гүүр хүртэлх нийт 3400 м2 авто замуудад замын нөхөөсний ажил хийжээ.