Хан-Уул дүүргийн 13, 14-р хороо, Баянзүрх дүүргийн 5,4,22-р хорооны 650 өрхийг цахилгаан эрчим хүчинд шинээр холбох ажил хийгдэж байна

Нийслэлийн хэмжээнд 2012-2015 онд Улаанбаатар хотод 29.1 тэрбум төгрөгийн төсөвт өртгөөр 18154 өрхийг цахилгаан эрчим хүчээр хангах, хүчдэлийн уналтыг сайжруулах ажил хийсэн. Цаашид хотын төвийн хэт ачааллыг хөнгөлөх болон айл өрхийг цахилгаан эрчим хүчээр хангах 16.5 тэрбум төгрөгийн ажил хийхээр зураг төслийг нь гаргаад байна.Үүнээс гэр хороолол дундах фидерийн ачаалал хөнгөлөх ажилд 1.2 тэрбум, айл өрхийг цахилгаан эрчим хүчээр хангах, хүчдэлийн уналтыг сайжруулах ажилд 15.3 тэрбум төгрөгийг зарцуулахаар төлөвлөж байна. Энэ ажил хэрэгжүүлснээр 12428 өрхийг цахилгаан эрчим хүчээр хангах боломж бүрдэнэ. Энэ нь хотын гэр хорооллын нийт өрхийн 6.2%-г эзэлж байгаа юм. Мөн энэ онд нийслэлийн төсвийн хөрөнгөөр Хан-Уул дүүргийн 13,14-р хороо, Баянзүрх дүүргийн 5,4,22-р хорооны 650 өрхийг цахилгаан эрчим хүчинд шинээр холбох ажил хийгдэж байна.