Өглөө.мн Шинэ өглөө, Шинэ мэдээлэл
Нийслэлд барилга угсралтын ажил зөвшөөрөлгүй эхлүүлэх зөрчлүүд ихээр илэрч байгааг Нийслэлийн мэргэжлийн хяналтын газраас тогтоосон байна. Тус байгууллагаас хийсэн шалгалтаар энэ оны эхний хагас жилийн байдлаар нийслэлийн хэмжээнд зөрчилтэй 40 барилга байгаа нь тогтоогдсон байна. Эдгээрээс барилга угсралтын ажил эхлүүлэх, үргэлжлүүлэх зөвшөөрөл аваагүй 36, зөвшөөрөл авах хүсэлтээ ирүүлсэн дөрвөн барилга байгаа аж.
Уг барилгууд цаашид зөрчлөө арилгахгүйгээр ажлаа үргэлжлүүлсэн тохиолдолд НИТХ-аас баталсан журмын дагуу барилгын үйл ажиллагаа эрхлэх тусгай зөвшөөрлийг хүчингүй болгуулах хүртэл арга хэмжээ авах юм байна.
Өглөөний сонин
