Энэ сарын 14-17-нд автомашины улсын дугаарыг тэгш, сондгойгоор хязгаарлана

Үндэсний их баяр наадмын амралт энэ сарын 9-өөс 18-ны хооронд үргэлжилнэ. Үүнтэй холбогдуулан, баярын амралтын үеэр нийслэл хотод автомашины дугаарын хязгаарлалт үйлчлэхгүй гэдгийг Замын цагдаагийн газраас мэдээлсэн гэх мэдээлэл зарим сайтуудаар цацагдсан.

Энэ талаар Замын цагдаагийн газраас тодруулахад, “Манайхаас тийм мэдээлэл өгөөгүй. Наадмаар дугаарын хязгаарлалт үйлчлэх, үйлчлэхгүй талаар тодорхой шийдвэр, захирамж гараагүй байгаа. Тодорхой болохоор нь албан ёсоор мэдээлэл хийнэ” гэв.

Харин албан бус эх сурвалжын мэдээлснээр энэ сарын 10-13 ны хооронд буюу баяр наадмын өдрүүдэд дугаарын хязгаарлалт үйлчлэхгүй. 14-17-ны хооронд автомашины улсын дугаарыг тэгш, сондгойгоор хязгаарлан замын хөдөлгөөнд оролцуулахаар болсон гэсэн юм.

Т.Гэрэл

Zaluu.com