Цагдаагийн байгууллагын 95 жилийн түүхт ойг тохиолдуулан идэвх зүтгэл, үр бүтээл гарган ажиллаж байгаа зарим алба хаагчдыг шагнаж урамшууллаа

Тулгар төрийн 2225, Их Монгол Улсын 810, Үндэсний их баяр наадам, Ардын хувьсгалын 95, Цагдаагийн байгууллагын 95 жилийн түүхт ойг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл, үр бүтээл гарган ажиллаж байгаа зарим алба хаагчдыг шагнаж урамшууллаа.

Монгол Улсын Ерөнхийлөгчийн зарлигаар “Цэргийн хүндэт медаль”-иар 4 алба хаагч, Хууль зүйн яамны “Хүндэт жуух”-аар 3 алба хаагч, Цагдаагийн ерөнхий газрын даргын тушаалаар “Албаны төлөө I” медалиар 218 алба хаагч, “Албаны төлөө II” медалиар 352 алба хаагч, “Албаны төлөө III” медалиар 492 алба хаагч, нийт 1062 алба хаагч шагнагдсан байна.