Хөргөгчинд байсан пиво уусан гэж хүний амь хөнөөсөн этгээдэд 17 жилийн ял өгчээ

Өнгөрсөн 11 дүгээр сарын 11-ний өдөр “хөргөгчинд байсан пиво уулаа” хэмээн үл ялих зүйлээр шалтаглан маргалдаж нэгнийхээ амийг хөнөөсөн аймшигтай хэрэг гөрч олныг цочирдуулсан.

Тодруулбал, Т.Л-нь өөрийн гэрт түр оршин сууж байсан оюутан Г.С-г “хөргөгчинд байсан пиво уулаа” хэмээн үл ялих зүйлээр шалтаглан маргалдаж, танхайн сэдэлтээр 3 удаа хутгалж, олон тооны шарх, гэмтэл үүсгэн, улмаар төрсөн ах Н.Б-ийнхэн дэргэд онц харгис хэрцгий аргаар санаатай алсан үйлдэлд Сүхбаатар дүүргийн Цагдаагийн хоёрдугаар хэлтсээс мөрдөн байцаалтын ажиллагаа явуулж, Сүхбаатар дүүргийн прокурорын газрын хяналтын прокурор М.Гантулга Эрүүгийн хуулийн тусгай ангийн 91 дүгээр зүйлийн 91.2.2, 91.2.12 дахь хэсэгт зааснаар яллах дүгнэлт үйлдэн тус дүүргийн эрүүгийн хэргийн анхан шатны шүүхэд шилжүүлсэн.

Шүүхээс Т.Л-д холбогдох эрүүгийн хэргийг хүлээн авч, энэ дугаар сарын 26-ны өдөр хянан хэлэлцээд Эрүүгийн хуулийн тусгай ангийн 91 дүгээр зүйлийн 91.2.2, 91.2.12 дахь хэсэгт зааснаар 17 жилийн хорих ял оногдуулж, ялыг онцгой дэглэмтэй эрэгтэйчүүдийн хорих ангид эдлүүлэхээр шийдвэрлэсэн байна.

Т.Гэрэл

zaluu.com