Өглөө.мн Шинэ өглөө, Шинэ мэдээлэл
Зам тээврийн осол буурахгүй байгаа талаар Замын цагдаагийн газраас мэдээлсээр байгаа. Хоногт л 1-3 хүүхэд зам тээврийн осолд өртөж бэртэх, эсвэл амиа алдах харамсалтай хэрэг бүртгэгдсээр байна. Тиймээс дээрх газраас “Хамгаалах бүс, хамгаалагдсан амьдрал” уриан дор улсын хэмжээнд зохион байгуулж буй “ХАМГААЛАХ БҮС, ХАМГААЛАЛТЫН СУУДАЛ” нэгдсэн арга хэмжээг эхлүүлсэн байгаа. Түүнчлэн зориулалтын суудалд хүүхдийг суулгаж, хамгаалалтын бүс зүүлгээгүй жолоочийг 98 мянган төгрөгөөр торгоно гэдгийг хатуу анхааруулсан байна.
Тухайлбал, энэ он гарснаас 17 хүүхэд зам тээврийн ослоор амиа алдсан тоо баримт байна.
Тиймээс жолооч, иргэдээ зам тээврийн осол хэргээс урьдчилан сэргийлэх зорилгоор “ЖОЛООЧ ТА ХАМГИЙН ХАЙРТАЙ ХҮМҮҮСЭЭ ХАМГААЛЖ ХАМГААЛАХ БҮС, ХАМГААЛАЛТЫН СУУДЛАА ХЭРЭГЛЭЖ ХЭВШЭЭРЭЙ” уриалж байна.
