1000 хүүхдэд хичээлийн хэрэгсэл, цүнх тараана

Монголын Банк Бус Санхүүгийн Байгууллагын холбооноос санаачлан өөрийн гишүүүн ББСБ-уудтай хамтран “1,000 цүнх challenge” аяныг зарласан аж. Тодруулбал, гишүүн байгууллагуудынхаа хандиваар 1,000 хүүхдэд хичээлийн бүрэн дүүрэн хэрэгсэл бүхий цүнхийг өгөхөөр бэлтгэл ажилдаа орсон байна. Энэхүү аяны зорилго нь ядуу бага орлоготой 1,000 өрхийн төсөвт дэмжлэг үзүүлэх, хүүхдийн сурч боловсрох, эрдэм боловсрол эзэмших хүслийг төрүүлэх, урам зоригийг нэмэх, нийгмийн сайн сайхны төлөө хүмүүсийг нэгтгэн, эерэг санал санаачлагыг гаргахад чиглэгджээ. Банк бус санхүүгийн байгууллагуудын санаачилгааар “1,000 цүнх challenge” аяныг ядуу, бага орлоготой, олон ам бүлтэй өрхийн 6-12 насны 1,000 хүүхдэд шинэ цүнх, иж бүрэн хичээлийн хэрэгслийг наймдугаар сарын 25-ны өдөр “Сүхбаатарын” талбай дээр гардуулан өгөх ажээ.

dnn.mn

Б.Мөнгөнсор