Өглөө.мн Шинэ өглөө, Шинэ мэдээлэл
Зуны XXXI дүгээр олимп эдгээр өдрүүдэд Бразил Улсын Рио-де-Жанейрод явагдаж байна. Олимпийн наадмын жүдо бөхийн -90 кг жинд өрсөлдсөн Монгол Улсын тамирчин, Олон улсын хэмжээний мастер Л.Отгонбаатар хүрэл медалийн төлөөх барилдааны эхэн үед хүнд гэмтэл авч эмнэлэгт хүргэгдсэн билээ.
Л.Отгонбаатарын зүүн мөрний шөрмөс тасарч, мах нь ханзарч, мөрний аяганы хүүдий урагдсан гэсэн оноштойгоор өчигдөр шөрмөс залгах мэс засалд орж, хагалаа амжилттай болжээ. Тэрбээр энэ сарын 24, 25-ны үеэр эх орондоо ирэх юм байна.
