Сургуулийн автобусуудад үзлэг, шалгалт хийж байна

Замын Цагдаагийн Газар 2016-2017 оны хичээлийн шинэ жилийг угтаж хүүхдийн автобуснуудад үзлэг шалгалт хийж байна.

• Ерөнхий Боловсролын Сургууль, цэцэрлэгийн хүүхдүүдийг аюулгүй тээвэрлэх,
• Тээврийн хэрэгслийн техникийн бүрэн бүтэн байдлыг хангах, илэрсөн зөрчил дутагдлыг арилгуулан гарч болзошгүй осол хэргээс урьдчилан сэргийлэх,
• Монгол улсын “Сургуулийн автобусанд тавигдах MNS6444:2014 стандарт”-ыг хэрэгжүүлэх юм.

Нийслэлийн хэмжээнд үйл ажиллагаа явуулдаг бүх Ерөнхий Боловсролын Сургуулиудын “Сургуулийн автобус”-уудад Мэргэжлийн Хяналтын Газар, Нийслэлийн Боловсролын Газар, Нийслэлийн Тээврийн Газартай хамтран 2016 оны наймдугаар сарын 25-28-ны өдрийн хооронд үзлэг шалгалтыг хийж байна.

Шалгалтын явцад 55 сургууль, дөрвөн цэцэрлэгийн нийт 132 Хүүхдийн автобусыг шалгах юм.

 

ЗЦГ