Насанд хүрээгүй хүүхэд залилан, эд зүйл хулгайлжээ

Өчигдөр Баянгол дүүргийн 3 дугаар хорооны нутаг дэсгэрт  өдрийн 18 цагийн орчимд үл таних хүн насанд хүрээгүй хүүхэд залилан, эд зүйл хулгайлсан байна.

 Цагдаагийн байгууллага  шалгахад 12 настай Д-г гэртээ ганцаараа байхад нь 20-25 орчим насны үл таних эрэгтэй хүн “цагдаагаас явж байна, хулгайн эд зүйлийг авч явж шалгана гэх нэрийдлээр зөөврийн компьютер, савхин хүрэм, “Samsung Galaxy S3” гар утас залилсан хэргийн Баянгол дүүрэг дэх цагдаагийн нэгдүгээр хэлтсийн ажилтнууд мөрдөн шалгаж байна. Иргэдэд анхаарч сэрэмжлүүлэхэд бага насны хүүхдийг гэрт нь ганцаар үлдээхгүй байх, таньж мэдэхгүй хүнд хаалга тайлж болохгүйг сэрэмжлүүлэх, албаны ажлаар яваа иргэдийн бичиг баримтыг шалгаж байх, сэжиг бүхий этгээдийн талаарх мэдээллийг цагдаагийн байгууллагад цаг алдалгүй мэдэгдэхийг анхааруулж байна.

УХЦГ