Өглөө.мн Шинэ өглөө, Шинэ мэдээлэл
Тэд боловсролын салбарт тулгамдаж буй хүүхдийн цэцэрлэг болон ерөнхий боловсролын сургуулийн тоог нэмэгдүүлэх, сургалтын чанар, хүртээмжийг нэмэгдүүлэх талаар баримтлах бодлогыг хэлэлцсэн юм. Харин АНУ-ын Элчин сайдын яамнаас дээрх ажлуудыг дэмжиж ажиллахаа илэрхийллээ. Мөн АНУ-ын болон Монгол Улсын их дээд сургуулиуд хамтран ажиллах, солилцооны хөтөлбөр хэрэгжүүлэх талаар санал бодлоо солилцов.
АНУ-ын талаас нийслэл болон орон нутагт цэцэрлэгийн тоог нэмэгдүүлэх талаар онцгой анхаарч, хөрөнгө оруулалт хийх боломж байгааг илэрхийллээ. Уулзалтад БСШУС-ын сайд Ж.Батсуурь, АНУ-аас Монгол Улсад суугаа Онц бөгөөд Бүрэн эрхт Элчин сайд Женифер Зимдал, АНУ-ын Элчин сайдын яамны олон нийттэй харилцах албаны дарга Милановски Кензие болон холбогдох албаны хүмүүс оролцсон юм.
