Өглөө.мн Шинэ өглөө, Шинэ мэдээлэл
АДРА Монгол Олон Улсын Байгууллага нь 1994 оноос эхлэн Монгол Улсад үйл ажиллагаагаа эхлүүлсэн ба “Хүнсний аюулгүй байдал хөтөлбөр”-ийн хүрээнд АДРА-Канад Олон Улсын байгууллага болон Канадын Хүнс, үр тарианы банктай хамтран Улаанбаатар хотын 5 дүүргийн захын гэр хорооллын иргэдэд чиглэсэн олон төсөл хөтөлбөрийг хэрэгжүүлэг. Энэ ажлын нэг болох өрх толгойлсон эмэгтэйчүүдэд газар тариалан эрхэлж, гэр бүлийнхээ хүнсний хангамжийг нэмэгдүүлэх, өрхийн орлого болон амьжиргаагаа сайжруулах, хотын иргэдийг эрүүл чанартай хүнсний ногоогоор хангахад чиглэгдсэн “Өрхийн тогтвортой тариалан” төслийг 2012 оноос эхлэн хэрэгжүүлж эхэлсэн билээ.
Дээрх төсөлд хамрагдсан иргэд 2016 оны 09 дүгээр сарын 09-ний өдөр Тусгаар Тогтнолын талбайд “ЭКО ХҮНСНИЙ НОГОО НЭЭЛТТЭЙ ӨДӨРЛӨГ”-ийг зохион байгууллаа. Тус өдөрлөгт Хан-Уул дүүргийн 8, 10, 12, 14-р хорооны өөртөө туслах бүлгийн гишүүд ургацын дээжээрээ 4 дэх жилдээ амжилттай оролцлоо.
