Азийн олимпийн зөвлөл (АОЗ)-ийн 35 дахь удаагийн Ерөнхий ассамблей амжилттай боллоо

Азийн олимпийн зөвлөл (АОЗ)-ийн 35 дахь удаагийн Ерөнхий ассамблей өнөөдөр Вьетнам улсын Данан хотноо боллоо.

Уг хуралд ОУОХ-ны Ерөнхийлөгч Томас Бах, АОЗ-ийн Ерөнхийлөгч Шейх Ахмад Аль Фахад Аль Сабах болон ОУОХ-ны гишүүд, АОЗ-ийн Гүйцэтгэх зөвлөлийн гишүүд, ОУОХ-ны эв санааны нэгдлийн мэргэжилтнүүд оролцож тайлан мэдээ хэлэлцэв.

АОЗ-ийн Гүйцэтгэх зөвлөлийн гишүүн, Мэдээлэл ба статистикийн хорооны дарга, МҮОХ-ны Ерөнхийлөгч Д.Загдсүрэн энэхүү хуралд “Рио 2016″ олимпийн наадамд Азийн тамирчид оролцсон судалгаа” сэдвээр илтгэл тавьлаа.

Ерөнхий ассамблейн үеэр АОЗ-ийн хүндэт одонгоор 3 хүнийг (БНСУ, Афганистан, Энэтхэг улс) шагнаж урамшуулснаас гадна “Саппоро-2017” Азийн өвлийн наадам, “Жакарта-2018” Азийн наадам, “Ашхабад-2017” Азийн танхимын болон тулааны спортын наадмыг Зохион байгуулах хороодын илтгэлийг хүлээн авав.

/АОЗ-ийн Гүйцэтгэх зөвлөлийн гишүүн, Мэдээлэл ба статистикийн хорооны дарга, МҮОХ-ны Ерөнхийлөгч Д.Загдсүрэн

 АОЗ-ийн Ерөнхийлөгч Шейх Ахмад Аль Фахад Аль Сабахын хамт/