Амгалангийн дулааны станцын нээлт маргааш болно

 Баянзүрх дүүрэгт барих Амгалангийн дулааны цахилгаан станцын барилгын ажлын нээлт маргааш болох бөгөөд нээлтэд Ерөнхий сайд Н.Алтанхуяг оролцох аж.

Одоогоор Амгалангийн дулааны цахилгаан станцын газар чөлөөлөх ажил 70 хувьтай байгаа бөгөөд ирэх долоо хоног гэхэд бүрэн чөлөөлж дуусах гэнэ. Мөн газар тэгшлэх зэрэг ажлууд эхэлсэн ч маргааш албан ёсоор тууз хайчлан, нээх юм байна.

Сонирхуулахад, газар чөлөөлөх ажилд хотын захиргаанаас нийт зургаан тэрбум төгрөгийг  33 айлд нөхөн төлбөр хэлбэрээр олгосон аж.

Л.Бадрах