Өглөө.мн Шинэ өглөө, Шинэ мэдээлэл
Үс тань хуурайшиж, өнгөө алдаа, соронзлогдоод задгай тавихад төвөгтэй байна уу? Санаа зоволтгүй үүнийг шийдэх боломж байна. Үнэтэй салонаар үйлчлүүлж манюкер эсвэл эмчилгээ, тэжээлийн массаж хийлгэж болно л доо. Гэхдээ хямралтай үед мөнгөө багахан ч болов хэмнээд гэртээ хийж болох үсний өнгийг сэргээх шалгарсан аргуудыг хүргэж байна.
1. Аспиринтай тэжээлийн маск
Шахмал аспирин 6 ширхэг /үснийхээ хэмжээнээс шалтгаалан тааруулан хийгээрэй/ нухаж нунтаглаад дээрээс нь халуун буцалсан ус 140 грамыг нэмнэ. Одоо 1 цайны халбага зөгийн бал болон 1 цайны халбага чидун жимсний тос хийгээд бэлэн боллоо. Энэхүү маскаа хуйхандаа жигд түрхэж, массаж хийж өгнө. 15 минутын дараа бүлээн усаар зайлаад шампиунаар угаана. Будагтай үсэнд тэжээл өгч, гялалзуулахахаас гадна хагны эсрэг үйлчилгээ үзүүлнэ
2. Авокадо жимсний маск
Боловсорч гүйцсэн авокадо жимсийг хагас аяга сүү, нэг цайны халбага оливын тос юмуу алмондын тостой хольж сайтар миксердэнэ. Бэлэн болсон зуурмагаа хуйхандаа түрхэж 15 минут байлгасны дараа угааж цэвэрлэнэ.
3. Нимбэгний гялалзуулагч маск
Нимбэгний шүүс болон өндгийг 1:1 харьцаатай хийгээд сайтар хутгаад хэсэг амраана. Үүний дараа хуйхандаа жигд түрхэж массажлаад 30 минутын дараа угаах хэрэгтэй.
4. Сүү ч бас гялалзуулна
Өөрийн үсэнд хэрэглэдэг шампуниараа угааж, дараа нь сүүгээрээ зайлж толгойндоо гялгар малгай углан 15-20 минут хүлээнэ. За ингээд үсээ дахин бүлээн усаар зайлна. Ингээд л боллоо.
5. Цагаан архитай гялалзуулах маск
Өндөгний шар нэг, х/х цагаан архи, х/х нимбэгний шүүс, х/х оливын тосыг сайтар хольж хутгаад үснийхээ угнаас үзүүр хүртэл нь түрхээд, халуун бигнүүрээ 40 минут байлгана. Үүний дараа зайлаад цэвэрлээрэй.
6. Шар айрагтай гялалзуулах маск
Шар айргийг үсэндээ болон арьсанд хэрэглэхээр тун зөөлөн,булбарай, үс , арьс аль аль нь сайхан гялалздаг гэдгийг олон эмэгтэйчүүд амьдрал дээрээ мэдэж авчээ.
1 ш өндөгний шар ,хагас стакан шар айраг , 1 х/х зөгийн бал хооронд нь сайтар хольж хутгана. Үсээ угааж цээврлэсэний даараа энэхүү маскаа шавшиж түрхэнэ. 30 минутын турш дулаан байлгах хэрэгтэй. Дараа нь сайн зайлаад л болно.
7. Шар айргаар зайлах
Хагас литр шар айргийг бүлээн устай холиод, энэ холимгоо хуурай үс рүүгээ шүршинэ. Ингээд 20 минутын дараа үсээ бүлээн усаар угаана.
emegteichuud.mn
