Өглөө.мн Шинэ өглөө, Шинэ мэдээлэл
Ж.К.Роулинг 1965 оны зургаадугаар сарын 31-нд Англид төржээ.Түүний жинхэнэ нэр нь Жоанна Катлин. Хожим зохиогчоор энэ нэрээ бичих гэсэн боловч өсвөр насны хөвгүүд эмэгтэй зохиолчийн бүтээлийг уншихгүй байж магалгүй гэж болгоомжилсноос “Ж.К.Роулинг” хэмээх нэрийг ашигласан гэдэг. Түүнлэн тус номын гол дүр болох Поттер хүүтэй их сайн найзууд байсан нь энэхүү зохиолыг бичих эхлэл суурь нь болж өгсөн байдаг.
Түүний зохиолууд дэлхий дахины анхаарлыг татаж, олон шагнал хүртэж, дэлхийд 400 сая гаруй хувь борлогдсон юм. 2007 оны Sunday Times-ийн баячуудын жагсаалтанд 545 сая фунт стерлингийн эд хөрөнгөөрөө 136-р байранд орсон бол Английн 13 дахь баян эмэгтэйгээр тодорчээ.
Баячуудын жагсаалт гаргадгаараа алдартай Форбес сэтгүүлээс түүнийг ном зохиож тэрбумтан болсон анхны хүн, дэлхийн хоёр дахь баян эмэгтэй, дэлхийн хамгийн баян 1062 дахь хүнээр тодорхойлсон байдаг. 2000 онд тэрбээр Воланд хүмүүнлэг, тусламжийн байгууллагыг үүсгэсэн.
Энэ байгууллагын жилийн төсөв нь 5.1 сая доллар бөгөөд ядуурлыг бууруулах, нийгмийн тэгш бус байдлыг арилгахыг зорьдог. Мөн хүүхдүүдэд болон өрх толгойлсон эцэг эхчүүдэд тусалдаг ажээ. Роулинг нь зохиолчид төдийгүй дэлхийн олон сая хүнд мөрөөдөл, зорилгоо биелүүлэх нь ямар чухал вэ гэдгийг мэдрүүлсэн хүчирхэг бүсгүйчүүдийн төлөөлөл юм.Тэр гайхалтай зохиогч мөн сайхан бүсгүй юм. Ингээд түүний дур булаам загварлаг агшныг сонирхуулъя.
