Өглөө.мн Шинэ өглөө, Шинэ мэдээлэл
Монгол улсын Засгийн газрын 2015 оны 11 дүгээр сарын 16-ны өдрийн 447 дугаар тогтоолоор Хоол тэжээлийн талаарх хүн амын эрүүл мэндийн боловсролыг дээшлүүлэх замаар иргэдийг эрүүл, аюулгүй хүнсээр хангаж, хоол тэжээлээс хамааралтай өвчин, эмгэгийг бууруулах зорилго бүхий “Хүн амын хоол тэжээл” үндэсний хөтөлбөр батлагдсан.
Хүн амын дунд хоол тэжээлээс хамаарал бүхий өвчлөл жилээс жилд нэмэгдсээр байгаагаас үзэхэд хоол тэжээлийн шимт бодис, аминдэм, эрдэс бодисын найрлага, аюулгүй байдалд илүү анхаарч, “Эрүүл хүнс” ойлголтыг хүн амд хүргэж, хэрэглээг нэмэгдүүлэх нь чухал байна.
Хөтөлбөр батлагдсанаас хойш нэг жил болж байхад аймаг, орон нутагт хөтөлбөр хэрэгжүүлэх салбар зөвлөл байгуулагдаагүй, аймаг, орон нутаг хөгжүүлэх сангийн хөрөнгөөр үйл ажиллагаа хийгдээгүй, асуудал хариуцсан мэргэжилтний төлөвлөгөөнд тусгагдаагүй байгаа нь хөтөлбөр хэрэгжиж эхлээгүй болохыг харуулж байна. Тиймээс 12 сарын 02-нд ЭМЯ, НЭМХ, НҮБ-ын Хүүхдийн сан хамтран тус хөтөлбөрийг хамтрагч талуудад танилцуулж, хэрэгжилтийг эрчимжүүлэх уулзалтыг зохион байгуулна.
Уулзалтад салбар бүрийн яам, хөдөө орон нутгаас эрүүл мэндийн газрын дарга мэргэжилтнүүд оролцох бөгөөд Blue sky тауэрийн 3 давхарт өглөө 09 цагаас 16 цаг хүртэл зохион байгуулагдана.
