Асрах сургуулийн захирлын хууль бус үйлдлүүд хэрээс хэтэрчээ

ugluunuu_sonin_logo Хуучнаар хүүхэд асран хүмүүжүүлэх төвийг одоо “Өнөр бүл” төв гэж нэрлэн захирлаар нь Б.Бурмаа гэгч сонгогдсон байна Хүүхэд, гэр бүл хөгжлийн “Өнөр бүл” төвийн захирлаар то­милогдсон Б.Бурмаа гэгч эмэг­­тэй өнчин хүүхдүүд болон тус төвд ажиллаж буй багш, ажилчдын амьдралыг орвон­гоор нь эргүүлээд байгаа тухай мэдээлэл манай сонинд ирлээ. Учир нь бидний нэрлэж заншсан Хүү­хэд асран хүмүүжүүлэх төвд ажиллаж байсан багш, ажилчид гээд 30 гаруй хүнийг ор үндэслэлгүйгээр ажлаас нь халж гудамжинд гаргажээ.

unur bul tuv Б.Бурмаа нь өнгөрсөн оны арванхоёрдугаар сарын 23-нд тус төвд томилогдон ирснээсээ хойш мэргэжлийн бус хүмүүсийг ажилд авсан гэх. Түү­­ний ажилд авсан хүмүүс нь бүгд өөрийнх нь хамаатан садан болон ойр дот­ныхон нь болохыг хуучин ажил­лаж байсан олон хүн гэрчилж байв.

Хэрэв хэн нэгэн ажилтан түүний өөдөөс эсэргүүцсэн үг хэлэх аваас шууд л ажлаас халдаг жишгийг тус төвд тогтоожээ. Харин ажлаас ха­лагдсан багш ажилчдын ихэнх нь өөрсдийн залуу насаа өнчин хүүхдүүдэд зориулж явсан буянтай хүмүүс байдаг юм билээ.

Хамгийн гол нь дээрх багш, ажилчид өөрсдийгөө ямар үндэслэлээр ажлаас халагдсанаа огт мэддэгүй байна. Товчхондоо Б.Бурмаа на­саараа ажил­ласан хү­мүүсийг “Надад таа­лагд­сан­гүй” гэх шалтгаанаар ажлаас халж байгаа нь хуульд хэр нийцтэй юм бол гэх олон хүн байгаа юм. Түүгээр ч зогсохгүй одоо ажиллаж байгаа зарим нэг ажилчид нь “Бид хэзээ халагдах бол” гэсэн айдас, хүйдэстэй өдөр хоногийг өнгөрөөж байгаагаа ч хэлж байв.

Баттай эх сурвалжийн ярьж буйгаар “Б.Бурмаа захирал манай төвд томилогдож ирс­нийхээ дараахан Цэцэр­лэгийн жижүүрээр ажиллаж байсан С.Законыг арванхоёрдугаар сарын 28-нд ажлаас нь чө­­лөөлсөн. Түүний утга учир­гүй халаа, сэлгээ эндээс л эхэл­сэн. Ажлаас халагдсан жижүүр өөрийгөө ямар шалт­гаанаар чөлөөлөгдөх болсоноо ойлгоогүй учраас хууль, хя­налтын байгууллагад хандсан. Хөөцөлдөж явсаны үр дүнд гэнэт ажлаас чөлөөлөгдсөн мөнгөө нөхөн төлбөр болгож авахаар болсон. Энэ нь Б.Бурмаа захирлыг хууль бус шийд­вэр гаргасныг гэрчилнэ” гэв.

Үнэхээр ч С.Законыг дээрх асуудлаар хуулийнханд хандахад Баянзүрх дүүргийн Цагдаагийн 2013 оны хоёр­дугаар сарын 19-ний албан тоот болон Прокурорын 2013 оны гуравдугаар сарын 6-ны 720 тоот, Баянзүрхийн шүүхийн дөрөвдүгээр сарын 9-ний 842 дугаар тоот шийдвэр ирүүлжээ. Уг шийдвэрт Хө­дөлмөрийн тухай хуулийн 48 дугаар зүйлийн 46.1-д заас­наар ажилгүй байсан ху­гацааны нийгмийн даатгал төдийгүй эрүүл мэндийн дэв­тэрт зохих бичлэг хийхийг Хүүхэд, гэр бүл хөгжлийн “Өнөр бүл” төвд даалгасан байж. Ингээд тэрбээр өөрийн гэнэт ажлаас халагдсаны төлбөрт дундаж цалинг 601 мянга 136 төгрөгөөр тооцож ажилгүй байсан гурван сар долоо хоногийн цалин болох нэг сая 994 мянга 676 төгрөг авахаар болоод байгаа аж.

Харин олон жил багшаар ажилласан Г.Хандмааг дүүр­гийн мэргэжлийн хяналтын газарт “Хандлаа” гэх үндэс­­лэлээр бас л ажлаас нь халсан байна. Мөн багш Б.Бям­бажавыг эмнэлэгт хүүх­дээ сахин хэвтэж байх хуга­­цаанд нь ажлаас нь чө­­лөөлжээ. Тиймээс эл асууд­лыг шийдүүлэхийн тулд Г.Хандмаа, Б.Бямбажав нар шүү­хэд хандсан байна.

Ямартай ч тус төвийн за­хирал Б.Бурмаа гэгч эмэгтэй албан тушаал, эрх мэдлээ хэт­рүүлэн хэрэглэж байгаа нь дээрх хүний ярианаас то­дорхой харагдана. Энэ мэт түүний хийсэн хууль бус халаа, сэлгээний шуурганд тус төвийн хуучин удирдлагууд болон нябо, жолооч, багш, се­лесарь зэрэг 30 гаруй хүн өртсөн байх юм. Өөрөөр хэлбэл түүнийг захирлаар томилогдож очихоос өмнө ажиллаж байсан дэд захирал Ц.Тунгалаг, Г.Ган­хуяг, багш Г.Хандмаа, Ц.Оюунсүх, Ж.Дашцэрэн, Т.Наранцэцэг, Э.Золзаяа, Р.Бийраа, Д.Ганболд бо­лон нябо Б.Алтанцэцэг, О.Энхтуяа, нярав Х.Цэцэгээ, Л.Гүнсэн, Д.Өнөрцэцэг, то­гооч Ч.Болортогоо, Ундармаа, Г.Эрдэнчимэг, жолооч Б.Баясгалан, Н.Энхжаргал, хү­­ний их эмч Г.Насанжаргал, жижүүр Р.Баттулга, Д.Рэгзэд­маа, Алтангэрэл нарыг ямар ч шалтгаангүйгээр, хууль зөрчиж ажлаас нь халжээ.

Ажлаас халагдсан гэх дээрх хүмүүс өөрсдийгөө чу­хам ямар үндэслэлээр, яагаад ха­лагд­санаа Б.Бурмаа­гаас тодруулж байжээ. Гэтэл тэр­бээр “Та нар тэр хууль хя­налтынхандаа ханд. Хэн нь ялахаа үзье” гэсэн утгатай үг хэлж, элдвээр доромжилж, дарамталж байсан байна. Түүний ноёрхол хэрээс х­э­тэрч “Ажлаас халагдсан бүх хүмүүсийг энэ хаалгаар ша­­гайлгах хэрэггүй” гэж хүртэл үүрэгдсэн байгаа юм. Аргагүйн эрхэнд ажлаас ха­лагдсан багш нар бяцхан шавь нартайгаа уулзахын тулд хашааны наана цаанаас хэл ам авалцдаг болоод хэдэн сарын нүүр үзэж байгаа аж.

Гэтэл Б.Бурмаа ийнхүү багш, ажилчдыг ажлаас ха­лаад зогсохгүй хууль бус олон үйл­дэл хийжээ. Хууль бус үйлдлийнх нь нэг жишээг дур­дахад тэрбээр УИХ-аас 2013 онд батлагдсан төсөвт цалинг олголгүй төвийнхээ нэрийг өөрчилсөн нэрийдлээр бүх ажилчдын цалинг 40-100 мянган төгрөгөөр бууруулсан байна. Ингэхдээ Засгийн газ­рын баталсан цалингийн сүл­жээ, тогтоолыг хүчингүй болгож, хуулийг уландаа гиш­­гэсэн төдийгүй үүнээс болж тус төвийн нийт багш, ажилчид өнгөрсөн дөрвөн са­рын хугацаанд 160-400 мян­ган төгрөгөөр хохироод байгаа юм байна.

Үргэлжлэл бий…

Санал болгох мэдээ

Т.Баярхүү:Малчдад хүнс, шаардлагатай эм, тариаг хүргэх ажлыг зохион байгуулна

Улсын Онцгой Комиссоос  хаваржилтын нөхцөл байдлын талаар ээлжит  мэдээллээ хийлээ. Энэ үеэр малчдад өгч буй …