В.Путин, Шинзо Абэ нар маргаантай арлуудаа хамтран эзэмшихээр болжээ

ОХУ-ын ерөнхийлөгч Владимир Путин, Японы ерөнхий сайд Шинзо Абэ нарын уулзалт өчигдөр өндөрлөлөө. Энэхүү уулзалтаар хоёр тал Хокайда арлын асуудлаар голлон ярилцаж шийдэлд хүрэх байсан юм. Гэвч харилцан буулт хийж арлыг худалдаа, эдийн засгийн чиглэлээр хамтран ашиглах саналыг В.Путин тавьсан байна. Мөн энэ удаа дэлхийн хоёрдугаар дайнаас хойш хүлээгдэж байсан хоёр орны энхийн гэрээг ч байгуулсангүй.

Мөн уулзалтын дүнд бизнесийн 80 орчим гэрээ байгуулсан нь нийлбэр дүнгээр 300 тэрбум иен болсон байна. Үүнд Японы хөрөнгө оруулалт, зээл багтаж байгаа аж.

Баасан гарагийн уулзалтын нэг үр дүн нь удирдагчид маргаантай дөрвөн арлын хуучин оршин суугчдыг төрөлх аралдаа зорчиход дэмжлэг үзүүлэх байв. Энэ бол хүмүүнлэгийн арга хэмжээ бөгөөд тэдэнд ирж очих боломжийг хялбарчилсан механизмаар шийдэж байхаар болж байна. Өнгөрсөн гуравдугаар сарын байдлаар маргаантай арлуудад төрж өссөн 6,000 орчим хүн амьд байгаагийн дундаж нас нь 80.7 байгаа аж.

dnn.mn