“Эко шөнийн тээвэр”-ийн туршилтын хугацаа ирэх сард дуусна

 “Цахилгаан тээвэр” компаниас “Эко шөнийн тээвэр” төслийг Улаанбаатар хотноо туршилтын шу­гамаар өнгөрсөн 7-р сарын 11-нээс эхлэн хэрэгжүүлж байгаа билээ.

Хоёр сарын хугацаатай хэрэгжих уг төслийн хүрээнд “Тролейбус-3”-ийн “III-IV хороолол БММЗ”, “Тро­лейбус-2”-ын “Ханын ма­те­­риал-Офицеруудын ордон” маршрутаар дөрвөн тролейбус шөнийн тээвэрт гарч байгаа. Туршилтын хуга­цаа ирэх есдүгээр сарын 11-нд дуусгавар болох бөгөөд цааш үргэлжлэх эсэхийг хотын захиргаанаас шийдэх юм.

Гэвч одоогоор III, IV хороолол орчмын замыг хаасан учраас “Тролейбус-3” чиглэлийн автобусаа зогссон. Харин “Тролейбус-2”-ын “Ханын материал-Офицеруудын ордон” чиг­лэлд шөнийн тээвэр иргэдэд үйлчилж байгаа ажээ.

Туршилтаар явж буй тролейбус нь шөнийн 23 цагаас үүрийн 05 цаг хүртэл явдаг бөгөөд том хүн 1000, хүүхэд 500 төгрөгөөр зорчдог юм.

Л.Бадрах