“Miss Mongolia 2013” 70 гаруй охин бүртгүүлжээ

 Монголын мянга мян­ган охид, бүсгүйчүүдээс шилдгийн шилдгийг нь тодруулдаг “Miss Mongolia” тэмцээн 10 дахь жилдээ зохион байгуулагдах гэж байна. Тэмцээний  анхан шатны шалгаруулалт МҮОНРТ-ийн байранд  өнөөдөр 09:00-19:00 цагийн хооронд явагдана.

Жил бүрийн “Miss Mongolia” тэмцээний ялагчид олон улсын миссийн тэм­цээнд оролцох урилгын эзэн болдог. Энэ жилийн ялагчийн хувьд Японы Окинава хотноо болох “Miss International 2013”, дэд мисс Экваторын Гвинейд болох “Miss World  tourism-2013”, гуравдугаар байрын эзэн БНСУ-ын Сөүл хотноо болох “World “Miss University-2013” тэмцээнүүдэд эх орноо төлөөлөн оролцох эрхийг тус тус хүртэх ажээ.

Дашрамд дуулгахад, 2004 оноос хойш тасралтгүй 10 дахь жилдээ зохион байгуулагдаж байгаа уг тэмцээнд Улаанбаатар, Дар­хан, Эрдэнэт, Завхан зэрэг аймаг хотуудаас нийт 70 гаруй охин бүртгүүлсэн байна.

Т.Анир ugluu.mn