“Оюутан цагдаа 2016” төслийнхөн цагдаа нарт аарц тараалаа

Шинэ жилийн өмнө буюу 2016 оны арван хоёрдугаар сарын гучны өдөр “Оюутан цагдаа – 2016” төслийн СБД-н оюутан цагдаа нар “Тусч баавгайн бамбарууш” ТББ-тай хамтран СБД-н цагдаа ах эгч нартаа халуун аарц өгч үйл ажиллагааг нь дэмжжээ. Тус арга хэмжээг санаачилсан СБД-н 2016 оны оюутан цагдаа М.Ганцацрал, Э.Номин-Эрдэнэ нар:

– “Халуун хүйтнийг ажралгүй, хүүхэд багачууд, хөгшид настангууд гэлтгүй Монголынхоо бүх ард түмний аюулгүй байдлыг сахин хамгаалж байгаа цагдаа нартаа үргэлж баярлаж явдаг болохоор тэднийг даарч хөрөхөөс нь бага ч болтугай сэргийлж, шинэ ондоо дулаан яваасай гэж халуун аарц тараах ажлыг зохион байгуулсан юм аа” гэж баяртайгаар ярьж байсан юм.

Сэтгүүлч  С.Оюун-Эрдэм