Өглөө.мн Шинэ өглөө, Шинэ мэдээлэл
Монгол Улсын Ерөнхийлөгчийн 2013 оны сонгуульд нэр дэвшигчид үнэмлэхээ гардан, сурталчилгааны ажлаа эхлүүллээ. АН-аас нэр дэвшигч, Ерөнхийлөгч Ц.Элбэгдорж шууд л Дорнод аймгийг зорин ниссэн. Тэнд анхны уулзалтаа эхлүүлсэн. Түүнийг энэ удаа УИХ-ын дэд дарга Р.Гончигдорж, ЗГХЭГ-ын дарга Ч.Сайханбилэг, БОНХ-ийн сайд С.Оюун, УИХ-ын гишүүн М.Зоригт, “Сонгодо” эмнэлгийн захирал Б.Болдсайхан болон бусад албаны хүмүүс дагалдан яваа аж.
Харин МАН-аас нэр дэвшигч УИХ-ын гишүүн Б.Бат-Эрдэнэ сонгуулийн сурталчилгааны нээлтээ Соёлын төв өргөөнд хийж, намын гишүүд, дэмжигчид нь түүнд урмын үг, уриалгыг харамгүй хайрласан.
МАХН-аас нэр дэвшигч, Эрүүл мэндийн сайд Н.Удвалын хувьд сурталчилгаа гэхээсээ илүү намын даргыгаа зорьжээ. Тэрбээр Улсын клиникийн II эмнэлэгт эмчлүүлж буй экс Ерөнхийлөгч Н.Энхбаяртай уулзсан байна.
